Kynlíf

Hvaða heimildir höfum við um samkynja kynlíf kvenna?

Afar sjaldan er fjallað um kynlíf í aðgengilegum heimildum frá tímabilinu 1700–1960, hvort sem um er að ræða hinsegin konur eða annað fólk. Örsjaldan er þess getið með beinum hætti að tvær konur hafi átt kynmök hvor við aðra en yfirleitt ekki í útgefnum heimildum. Stundum er reyndar gefið í skyn að konur hafi stundað kynlíf saman, t.d. í sögum um konur sem gátu börn með öðrum konum, sem gefur okkur tækifæri til að skoða þetta viðfangsefni sem er okkur þó að mestu hulið.

Óvenjulegur getnaður og hjálpartæki ástarlífsins

Það er mjög óalgengt að skírskotað sé til kynlífs í heimildum frá 18., 19. og fyrri hluta 20. aldar. Þess vegna vitum við sjaldnast hvort náin vinátta tveggja kvenna hafi verið af kynferðislegum toga eða ekki. Þó er ýmislegt gefið í skyn eða látið felast í hlutarins...